Video
Read full review
2023-04-18
537 views
餐廳：磯の水產 (觀塘)地址：觀塘海濱道133號萬兆豐中心地下3號舖唔知有冇人同我一樣鍾意時不時去吓唔同嘅海濱吹吹風散吓步🚶🏻♂️，享受一吓繁囂都市以外嘅寧靜空間。早幾日喺觀塘海濱行完之後，偶然咁見到海濱道開咗一間都算新嘅日本餐廳——磯の水產 未入餐廳已經體驗到濃厚嘅日本風格，餐廳裏面放置咗好多旗幟🚩、酒樽、武士等由日本買返嚟嘅裝飾擺設，迎合到香港人熱愛日本文化嘅口味🇯🇵。餐廳主打時令刺身，每兩三日就有唔同比較少見嘅新鮮飛機魚返貨✈️，最重要喺Keep住張單，2個星期內再去幫襯就可以享有85折優惠😍✝️炸櫻花蝦沙律 $78平時食沙律都喺以新鮮蔬果同肉類為主🥗，估唔到就咁加香炸過嘅櫻花蝦都幾好食，同本身嘅沙律菜形成口感上嘅對比🆚，帶嚟陣陣櫻花蝦香之餘仲非常香口😋卷物叫咗個牛油果軟殼蟹卷($88)同香辣吞拿魚卷($78)，一份有六件，餡料都幾豐富，前者除咗有酥脆軟殼蟹喺壽司卷中間之外，面頭仲放咗牛油果🥑、三文魚籽同沙律醬；吞拿魚我個人幾鍾意🤩，外層用咗靚靚櫻花米紙包裹住壽司飯，中間有一層紫菜包住香辣嘅吞拿魚蓉，就算唔使蘸任何醬料都夠晒惹味👍串燒一客有兩串，叫咗牛舌串($98)同豬腩肉串($68
地址：觀塘海濱道133號萬兆豐中心地下3號舖
唔知有冇人同我一樣鍾意時不時去吓唔同嘅海濱吹吹風散吓步🚶🏻♂️，享受一吓繁囂都市以外嘅寧靜空間。早幾日喺觀塘海濱行完之後，偶然咁見到海濱道開咗一間都算新嘅日本餐廳——磯の水產
未入餐廳已經體驗到濃厚嘅日本風格，餐廳裏面放置咗好多旗幟🚩、酒樽、武士等由日本買返嚟嘅裝飾擺設，迎合到香港人熱愛日本文化嘅口味🇯🇵。餐廳主打時令刺身，每兩三日就有唔同比較少見嘅新鮮飛機魚返貨✈️，最重要喺Keep住張單，2個星期內再去幫襯就可以享有85折優惠😍
✝️炸櫻花蝦沙律 $78
平時食沙律都喺以新鮮蔬果同肉類為主🥗，估唔到就咁加香炸過嘅櫻花蝦都幾好食，同本身嘅沙律菜形成口感上嘅對比🆚，帶嚟陣陣櫻花蝦香之餘仲非常香口😋
卷物叫咗個牛油果軟殼蟹卷($88)同香辣吞拿魚卷($78)，一份有六件，餡料都幾豐富，
前者除咗有酥脆軟殼蟹喺壽司卷中間之外，面頭仲放咗牛油果🥑、三文魚籽同沙律醬；
吞拿魚我個人幾鍾意🤩，外層用咗靚靚櫻花米紙包裹住壽司飯，
中間有一層紫菜包住香辣嘅吞拿魚蓉，就算唔使蘸任何醬料都夠晒惹味👍
串燒一客有兩串，叫咗牛舌串($98)同豬腩肉串($68)，未食已經聞到燒烤香味🔥，
燒到輕輕焦脆仲令串燒口感滋味提升，加上調味料嘅配搭，令人食唔停口，不過價錢嘅定位就好似高咗少少🤏
✝️蛋黃醬焗蠔 $98
一客有2隻，將明太子蛋黃醬放上連殼嘅蠔上面拎去焗，用筷子刮出完整嘅蠔肉再一啖放入口🦪，鹹香嘅口味難以抵擋😋
✝️牛肉烏冬 $88
用咗牛肉濃湯去煮嘅牛肉烏冬，食落每啖都有滿滿嘅牛脂香，
烏冬食落彈牙，牛肉份量都唔少🐮，為咗佢嘅湯底都值得一試🤓
最後叫咗個椰子雪糕($78)同桃雪葩($78)作結，呢兩款甜品喺日式餐廳或者居酒屋都幾常見，清香桃味配上雪條質感嘅雪葩🍑，香甜椰子配上綿滑雪糕🥥，依家呢個天氣食就最啱☀️
Post
