米蔥動

Open Now

Now Closed

小店係值得多啲支持，就例如呢一間米蔥動！店主係一對夫婦，佢哋嘅出品都好用心製作，用嘅材料絕不馬虎，而且味道都好出色，希望大家可以多啲去試。醬油穀飼豬扒撈米線米線係用醬油口味，每一條都好上色，調味啱啱好，而豬扒好酥脆，肥瘦均勻，食得出唔係出邊用粉拿過冇晒口感嗰一種。話梅凍豬手味道偏向醉豬手再加少少話梅粉喺面頭，膠質豐富，豬手清潔得好乾淨，如果話梅味再重一啲，酸酸地會更加開胃！鹽酥花枝丸小食嚟講份量都算多，有六粒，每一粒都炸外脆內軟，而且係第一次食咁多墨魚粒粒嘅花枝丸，超足料！胡椒湯浸蘿蔔一上枱俾個份量嚇親，白蘿蔔嘅份量超多，適合兩至三個人share食，蘿蔔一啲渣都冇，仲有幾片紅蘿蔔，重點係個胡椒湯十分濃郁，超級暖胃，如果呢個湯底可以配上米線，一定會好多人鍾意！鮮橙綠茶揀咗一杯解膩又酸酸甜甜嘅飲品，而且唔會太甜，夏天飲完好透心涼！仲有好多台式飲品，下次要再試吓其他嘢食同飲品！