喰楽

Open Now

Now Closed

今次嚟到觀塘喰樂，真係一間好食嘅餐廳！呢度主打嘅關西風壽喜燒真係好好味，令我地大喊過癮。我哋揀咗最豐富嘅和牛盛宴$558/位，一次品嚐赤身和牛及霜降和牛，真係冇後悔啊！首先要講嘅就係啲肉款啦！盛宴包括六至七個部位，其中最出色嘅當然係霜降和牛啦！霜降有西冷、牛肩胛、上肩里背肉、牛板腱、牛肩等等，每一款都有佢獨特嘅味道。西冷好濃郁，牛肩胛好嫩滑，上肩里背肉同牛板腱都好有嚼勁，牛肩牛味都好香！至於赤身和牛都好出色，牛肩同後大髀肉口感豐富，好嫩好滑！除咗肉款之外，啲前菜同野菜拼盤都好豐富啊！前茶包括沙律、和牛餃子同茶碗蒸。沙律蔬菜新鮮，好開胃，啲沙律醬汁都好均勻，唔會太濃唔會太淡。和牛餃子包住啲和牛肉，牛肉餡充滿嘅肉汁，正！茶碗蒸蒸得恰到好處，熱騰騰好滿足。甜品係抹茶紅豆雪糕，甜度剛剛好，唔會太甜。抹茶味道濃郁，雪糕有奶香。