Video
Read full review
2018-08-13
38 views
星期日早上肥妹仔去左搵姑媽飲茶, 飲完茶差唔多十點買埋餸返屋企就要食午飯喇!!! 肥妹仔途經西九中心對面嘅一間燒味舖,肥妹仔我買返幾樣試下。乳豬半斤 $90乳豬皮燒到脆卜卜非常香口, 個厚度適中， 肥肉同瘦肉嘅比例各一半啱啱好, 個乳豬嘅肥肉係燒得好香，一啲都唔肥膩， 而過乳豬肉就非常滑嫩，一啲都唔鞋， 肥妹仔我估個乳豬肉應該有輕輕咁醃過， 唔會好鹹,點埋乳豬醬,甜甜地好好食!叉燒半斤 $45呢半斤叉燒係肥叉嚟嘅,肥叉最好食嘅地方係在於佢嘅肥膏嘅比例係多個瘦叉，咬落去會非常軟淋，肉質亦都會比一般嘅叉燒滑!!! 肥叉嘅外表有一層蜜糖包住，甜甜哋，非常好色水!燒鵝半隻 $175肥妹仔 我叫咗半隻燒鵝， 燒鵝皮燒得非常香脆，而燒鵝肉就好滑嫩一啲都唔韌， 鵝嘅油香味好重， 肥妹仔我食咗隻鵝髀, 個味道醃得啱啱好，唔會過鹹或者無味， 肥媽係煮咗一大兜瀨粉畀肥妹仔我去送呢隻鵝髀，正宗燒鵝瀨粉，好好食!!!燒骨一支 $90燒骨就係 肥爸最鍾意食嘅燒味之一， 佢既外皮都係燒到卜卜脆, 但係瘦肉嘅比例就比較多,而且個味道亦都比較鹹， 點芥末醬好好食!!!
星期日早上肥妹仔去左搵姑媽飲茶, 飲完茶差唔多十點買埋餸返屋企就要食午飯喇!!! 肥妹仔途經西九中心對面嘅一間燒味舖,肥妹仔我買返幾樣試下。
乳豬半斤 $90
乳豬皮燒到脆卜卜非常香口, 個厚度適中， 肥肉同瘦肉嘅比例各一半啱啱好, 個乳豬嘅肥肉係燒得好香，一啲都唔肥膩， 而過乳豬肉就非常滑嫩，一啲都唔鞋， 肥妹仔我估個乳豬肉應該有輕輕咁醃過， 唔會好鹹,點埋乳豬醬,甜甜地好好食!
叉燒半斤 $45
呢半斤叉燒係肥叉嚟嘅,肥叉最好食嘅地方係在於佢嘅肥膏嘅比例係多個瘦叉，咬落去會非常軟淋，肉質亦都會比一般嘅叉燒滑!!! 肥叉嘅外表有一層蜜糖包住，甜甜哋，非常好色水!
燒鵝半隻 $175
肥妹仔 我叫咗半隻燒鵝， 燒鵝皮燒得非常香脆，而燒鵝肉就好滑嫩一啲都唔韌， 鵝嘅油香味好重， 肥妹仔我食咗隻鵝髀, 個味道醃得啱啱好，唔會過鹹或者無味， 肥媽係煮咗一大兜瀨粉畀肥妹仔我去送呢隻鵝髀，正宗燒鵝瀨粉，好好食!!!
燒骨一支 $90
燒骨就係 肥爸最鍾意食嘅燒味之一， 佢既外皮都係燒到卜卜脆, 但係瘦肉嘅比例就比較多,而且個味道亦都比較鹹， 點芥末醬好好食!!!
Post
