大松日 (Closed)

作為毛蟹發燒友既我，一見到蟹宴當然唔可以錯過啦！上次去大松日同朋友食過海膽menu ，認真新鮮，今次再去食新野，仲要係北海道活毛蟹，食完之後當然唔少得分享感想啦。成個套餐有齊刺身、天婦羅同鐵板燒配配，每樣都各有特色，簡直日餐鐵三角。刺身有肥美且入口即融嘅吞拿魚腩，海膽鮮甜無比，有淡淡海水味，好想再encore 。北海道毛蟹天婦羅不得了，亦係我最愛嘅一道菜，外脆內鮮，入口個種脆薄感令人一試難忘，毛蟹腿keep到鮮嫩多汁，兩隻唔夠喉🤪 女朋友都好欣賞依道天婦羅🍤👍🏻 重點來了，北海道活毛蟹可以揀清蒸或者火鍋配蔬菜，我地揀左火鍋，隻蟹本身好新鮮真係冇野可以挑剔，唯一美中不足係用紙煮火鍋，要等耐小小，我個人人心急🤣，但overall 係幾特別嘅體驗，女朋友就話佢好鍾意啦。煮完火鍋個蟹湯吸晒入d烏冬到，好足滿。😋勁推比蟹迷，個套餐好似做到11月咋。