Mango Tree Kitchen (太古城中心) (Closed)

香港工作實在相當大壓力，每日都會充斥着好多不同嘅問題需要處理，就算發夢有時都會夢見到工作，一到放假時候真係想食豐富大餐減減壓，今次我就約定朋友食呢間泰菜餐廳，俾大家一齊食大餐放肆一下。餐廳裝潢雅致時尚，加上熱帶雨林主題，牆身更用咗好多竹材及舊木天然材料，加上手繪製嘅雨林動物及樹葉圖案，打造自然氣息的空間。溏心女婿蛋先來前菜小食，經典泰式炸彈配上溏心蛋效果真係令我眼前一亮。非常鍾意糖心女婿蛋外脆內軟且香甜，配上特色酸子汁更加醒胃。招牌冬蔭公(兩位用)呢個菜式真心推介，因為平時飲冬蔭公味道可能一係好辣、一係好酸或者好咸，但呢個冬蔭公做得認真出色，酸辣味道相當平衡之餘，而且湯內飲到有濃郁蝦膏鮮味，食埋鮮甜嘅大頭蝦肉已相當滿足。青咖喱慢煮安格斯牛肋骨本身呢個牛肋骨已經好好食，肉味濃郁之餘，肉質亦相當軟腍，加上微辣嘅青咖哩真係將佢提升多個層次。泰北胡椒燒春雞呢個菜式原來係太古店限定先有，首先味道相當出色，雞肉相當嫩滑之餘，食落去更有淡淡白胡椒香，相當惹味。椰皇粟米新地鍾意食椰子嘅朋友一定最愛，因為椰皇內係椰子雪糕、椰肉及椰汁，滿滿嘅椰子清香加上花生、粟米，增加層次，食埋呢個甜品真係超級滿足了。