興記菜館

Open Now

Now Closed

油麻地興記菜館嘅煲仔飯不嬲都好出名，今日經過廟街嗰邊當然要試吓，因為而家已經冇咗遊客嘅關係，所以位置都好多，坐低我哋就即刻點左潤腸滑雞煲仔飯，臘腸滑雞煲仔飯，另外我哋再點咗黃金鮮魷試試。煲仔飯即叫即整，所以我哋都預先知道要等15至20分鐘先有得食，首先嚟咗黃金鮮魷，每一塊都沾滿左鹹蛋黃，雖然淋咗蛋黃，但係依然食到脆口感，鹹蛋黃味非常香濃而且完全唔孤寒。等咗一陣終於到咗煲仔飯啦，我哋即刻打開個蓋淋上煲仔豉油再焗一陣，我同朋友都交換咗潤腸同臘腸嚟試吓，兩款臘味都非常香酒味，而雞件就嫩滑，煲仔飯個底亦都有脆脆嘅飯焦，食得好滿足