The Right Place (舊墟直街) (Closed)

有個住大埔既朋友約我食西餐，而且仲要係係大埔本區，唔緊要，我都住得唔遠，一於試下有幾好。一入到去個氣氛好浪漫，暗暗地，加上有吧枱，格調相當不錯。由於未黎過，點餐全由朋友發板。先黎一味香煎鵝肝，大細有我3隻手指咁大，鵝肝外脆內軟，配上多士同酸汁，無可挑剔。跟住係避風塘軟殼蟹，隻蟹都好大隻，而且粉粿得夠薄身，唔會一咬落去成口粉，加埋避風塘做法，非常惹味。主角出場，肉眼排，由於我同朋友都食得好生，又怕出現香港常見叫3出5呢個情況，所以我地叫左3成熟，一切開塊牛排係好靚既粉紅色，3成熟無誤，入口軟嫩，牛肉味爆燈，上等牛排。估唔到大埔都有呢啲咁高質既西餐廳，希望繼續保持。