川府宴 (Closed)

朋友鍾意食辣野，同佢嚟試吓呢間川菜!! 涼拌麻辣魷魚($69)，魷魚爽口小小辣，加上大量蔥同芝麻，作為前菜非常之開胃!! 蒜泥白肉($88)，聽人講多食蒜有益，所以我都好鍾意食呢道菜，青瓜同肉切到薄薄的一片，一齊放入口再加少少佢嘅醬非常之好味!! 干鍋花菜($88)，椰菜花煮得剛剛好爽口鮮甜，加埋啲肉鹹鹹地一齊食，味道好夾!! 毛血旺($188)，望落去好辣但食落係接受到嘅辣，落左非常多材料，有鴨血豬腸豬肚豬肉木耳等等，最估佢唔到係午餐肉都有，所有內臟都處理得幾好，我自己最推介呢道菜，覺得幾惹味又抵食!!