民華餐廳

Open Now

Now Closed

放工去金魚街買嘢，出到太子已經好肚餓，咁我唔餓得㗎嘛😂都係搵啲嘢食先再行，好耐冇食過民華喇，以前最初開嘅時候成日都會食，呢到食物ok，但怕佢成日太多人太多遊客太嘈太迫，而家要隔一段長時間先鼓起到勇氣再食過。次次嚟到都係叫返佢地嘅常餐，反正食極都唔會厭又好味😋仲見證住呢個常餐由28蚊加到今時今日46蚊。- 可以揀腸仔/火腿/餐肉。- 厚切多士烘得好，熱辣辣，軟棉棉。- 炒蛋唔夠滑，有啲過實，但味道唔錯。- 蕃茄叉燒通粉蕃茄湯幾濃味，叉燒大舊啖啖肉。- 熱檸茶正常茶記質素，茶底唔錯，不過今次呢杯有少少澀味。