啤啤Bear韓國包車 (Closed)

今日係尖沙咀食左一間韓國餐廳，呢到好有去到韓國既餐廳既感覺，個氣氛好好，野食既種類都好豐富，有唔同種類既韓國野食叫，而且抽風都做得幾好，唔會有好大烤肉既味首先，我地當然叫左佢地既招牌烤鰻魚，呢到係比個鐵板你自己烤，而且份量好多，自己烤又可以控制埋佢有幾燶，我就鐘意烤到佢有少少燶燶地咁，食落脆口，好肥美好彈牙，加埋佢一齊上既韓式醬汁，夾埋紫菜一齊食，真係好正！啖啖都有鰻魚的鮮味，而且仲做緊優惠，真係好抵食另外我地仲叫左甜辣炒雞配墨西哥脆片，雞肉炒得非常嫩滑，甜辣醬汁味道剛好，不會太膩，啖啖都有料。搭配埋脆脆的墨西哥脆片，口感非常豐富，真係一個好有創意的組合，食落去開胃又過癮！最後，我地仲叫左個蕃茄韓式辣海鮮濃湯配中華面，碗湯真係好濃郁，蕃茄的酸味搭配海鮮的鮮味，味道好夠層次。裡面有蝦，青口，蜆，墨魚仔等等，食得出都好新鮮，咬落去D肉彈牙，個中華面其實有少少似韓式拉面，好彈牙同掛汁，不過我地真係太飽啦，食唔曬最後，整體食完之後，我覺得呢到既食身同環境都好有係韓國既感覺，好適合一班人聚會黎食