博多拉麵別天神 (Closed)

天氣凍最啱食拉麵暖暖胃，餐廳不大只有大概十個bar枱座位。七點己經滿座，等了十分鐘左右便有位。座位雖然有點迫，但滿有日本地道拉麵舖嘅風味！小龍蝦蟹籽沙律有驚喜，啖啖龍蝦肉彈牙爽口，加上蟹籽及紫菜，口感豐富。豚骨湯底非常濃厚，入口順滑，重點係不油膩。拉麵為博多的細麵，麵質彈牙。义燒帶點焦香，肉質軟腍。流心蛋蛋味香濃，大量葱花及木耳增添口感。餃子皮又薄又滑，煎得外脆內軟。菜及肉的比例剛好。蝦味噌豚骨湯底同樣濃厚，蝦味重非常香。櫻花蝦香口增口感，粟米清甜。試完原味湯底後可跟指示加上辣芽菜、蒜蓉、芝麻等調味料，味道再提升，值得一試。