相馬日式火鍋 (Closed)

話說兩年前曾經喺荔枝角分店食過大閘蟹放題，一直念念不忘🤤 今次到訪西環店，餐廳環境闊落，座位寬敞又舒適，枱面夠大有足夠空間擺放一碟二碟。大閘蟹：係我最愛嘅公蟹，白膏口感黏稠，香甜可口😋食完一隻接一隻！中華辣湯：超足料，成個煲都係辣椒😍冇想像中咁刺激，放入蔬菜索盡辣湯好過癮！唔係死辣，所以唔會蓋過食材本身鮮味。單骨雞翼拼盤：蜜糖、士匪同蒜蓉牛油等多款雞翼，不過無辣不歡嘅我始終最愛麻辣味，夠麻夠惹味🤤雞腿肉：油脂適中，肉汁澎湃💦吸收咗辣湯就更加香濃。杜之藏颯純米大吟釀（呢個放題唔包）：充滿水果柔和香氣，飲落甘甜柔順，喉韻悠長👏🏻