富臨薈 (Closed)

今日出左沙田同阿媽食lunch，本身住沙田區既我係沙田已經係乜幾間未食過，除左酒樓，咁一於同阿媽去飲個茶。富臨薈，睇餐牌，好多近派菜，亦都有傳統點心傳統菜，仲有懷舊豬油撈飯食，點都要試下。叫左隻乳鴿，上到枱，比出面食到既大隻，肉質無細隻既咁嫩，但勝在炸得岩岩好，唔會太乾，肉汁得以保存。出色蝦餃，聽個名就知道有龍撩，黑色既?我諗係係層皮度加左墨魚汁，味道同普通蝦餃唔係太大分別。糖心皮蛋做得好好，個心真係好流心，醬料亦好出色，酸麻辣甜樣樣有，唔錯。新派酒樓黎講，富臨薈做得幾好，價錢又唔會太貴。