魚味市場居酒屋 (Closed)

同男朋友出西環有啲野做，順便問下朋友西環有啲乜嘢好嘢食，朋友就介紹左呢一間居酒屋，入面環境雖然唔大但係就好有日本氣氛，仲有一位相信係日本師傅向我哋鞠躬，好有禮貌。吞拿魚腩刺身，我記得差唔多＄100一件，食落去入口即溶，同日本食既口感分別不大，實屬難得。酒煮蜆，一上枱已經聞到一陣陣酒香味，食落每一舊蜆都有酒既餘香朱古力醬鵝肝都係入口即溶好正啊雜錦海鮮丼，新鮮！特別要提一提個海膽都係好鮮甜唔似平時香港食到苦苦地果d。原粒帆立貝壽司同三文魚腩壽司，師傅話帆立貝好大粒特登幫我地一開二。日式炸豆腐，我既最愛。總結，呢間居酒屋嘅價錢唔算好平，但係食材真係好新鮮，而且服務好好，值得再去。