Pancake 專門紗織 (Closed)

今日去咗銅鑼灣行街，途中見到一間新開嘅餐廳。餐廳有出售拿破崙、班戟、紗織、鹹食等食物，所以我同朋友就決定喺度食午餐。店舖裝修具有特色，好有日系風格，牆身仲掛咗印有滿招財貓嘅布，非常可愛。今次食咗一個甜食同一個鹹食。和牛漢堡班戟 $158漢堡材料非常豐富，首先有兩片班戟、一塊和牛漢堡扒、薯餅、芝士同埋生菜。班戟味道甜甜地，同其他材料一齊食都幾夾。和牛漢堡扒好厚，充滿油香。薯餅都好味，好香脆！成個漢堡包嘅配搭好得意，估唔到可以用班戟代替漢堡包！除咗漢堡，旁邊仲配有胡麻醬沙律，好清新。特濃朱古力班戟 $118朱古力班戟有濃濃嘅朱古力味，面頭有兩球雲呢拿味雪糕，而且佈滿曲奇碎同忌廉。班戟質地鬆軟，帶住濃郁嘅朱古力香味。忌廉質感輕盈，同班戟配搭一流。