鮨玥 (Closed)

朋友帶路去了鯉景灣食飯，平時都係幫襯酒吧，今日就去咗食日本菜鱈魚乾，入口香脆，咬落有魚香。雞軟骨串燒，外皮焦香，軟骨帶點肉，非常配合送酒嘅前菜。依佐木薄切魚生，魚味清甜，油脂不算多，吃起來比較清爽。吞拿魚壽司盛，有赤身，中拖羅及大拖羅，開始欣賞赤身純樸嘅魚味，可以食多幾件都唔怕油膩，而中及大拖羅入口即溶有油香，食嘅時候要點多啲山葵，中和油脂及帶出魚鮮。燒白鱔，食得出係新鮮嘅鱔肉，皮脆肉甜，入口彈牙又沒有泥味。薄燒牛舌，牛舌爽口，牛味香濃，脂肪豐盈，薄切一定唔會咁煙靭，少少黑椒調味，剛剛好！鹽燒油金魚鮫，外皮焦香又香脆，鮫位中間的魚肉特別細緻，魚油豐富，好味！