Video
Read full review
2021-12-22
1098 views
好友快將生日，約好左出嚟食餐飯慶祝，友人向來鍾情星馬菜，愛其醒胃滋味，上網 Search 到呢間口碑唔錯嘅星馬菜館，一於訂檯試下。餐廳座落於威靈頓街 The Loop 11/F，地點位置相當方便，店內環境亦不俗，以木色系為主調，裝潢格局典雅舒適， 予人一點私房菜的親切感。點左個海南雞飯套餐 ($98)、馬來西亞肉骨茶 ($108)、招牌黑醬油蘿蔔糕 ($88) 同 馬拉盞炒椰菜苗 ($88)，另外再加左兩杯飲品。海南雞飯以木托盤呈上，雞件全部已去骨，擺碟靚仔，份量也多，入口肉質嫩滑富雞味，雞皮爽薄不肥，皮下更有層啫喱膏，蘸三色醬吃，醒胃惹味。雞油飯水準亦不俗，米飯圓潤，粒粒分明，調味亦恰到好處，油潤入味，香口好吃。跟餐還附有青紅蘿蔔粟米湯，湯水清甜滋潤，好有家的味道。肉骨茶有大、細窩之分，大窩可供 5 人享用，而我哋就點左個 2 人份量嘅細窩。湯底以當歸、黨參、杞子、桂圓、丁香及多種名貴藥材熬製，入口完全無味精，藥材味好溫和，帶陣陣胡椒香。肉排大大件，煲得非常入味，入口肉香突出，加上肉質滑嫩軟腍，輕輕一咬已骨肉分離，伴以豆卜及油炸鬼，相當美味。順帶一提，肉骨茶嘅湯底可以隨意 Refil
好友快將生日，約好左出嚟食餐飯慶祝，友人向來鍾情星馬菜，愛其醒胃滋味，上網 Search 到呢間口碑唔錯嘅星馬菜館，一於訂檯試下。
餐廳座落於威靈頓街 The Loop 11/F，地點位置相當方便，店內環境亦不俗，以木色系為主調，裝潢格局典雅舒適， 予人一點私房菜的親切感。
點左個海南雞飯套餐 ($98)、馬來西亞肉骨茶 ($108)、招牌黑醬油蘿蔔糕 ($88) 同 馬拉盞炒椰菜苗 ($88)，另外再加左兩杯飲品。
海南雞飯以木托盤呈上，雞件全部已去骨，擺碟靚仔，份量也多，入口肉質嫩滑富雞味，雞皮爽薄不肥，皮下更有層啫喱膏，蘸三色醬吃，醒胃惹味。
雞油飯水準亦不俗，米飯圓潤，粒粒分明，調味亦恰到好處，油潤入味，香口好吃。跟餐還附有青紅蘿蔔粟米湯，湯水清甜滋潤，好有家的味道。
肉骨茶有大、細窩之分，大窩可供 5 人享用，而我哋就點左個 2 人份量嘅細窩。湯底以當歸、黨參、杞子、桂圓、丁香及多種名貴藥材熬製，入口完全無味精，藥材味好溫和，帶陣陣胡椒香。
肉排大大件，煲得非常入味，入口肉香突出，加上肉質滑嫩軟腍，輕輕一咬已骨肉分離，伴以豆卜及油炸鬼，相當美味。順帶一提，肉骨茶嘅湯底可以隨意 Refill，性價比極高。
另外碟蘿蔔糕同椰菜苗亦值得一讚，蘿蔔糕放上檯時仍不停冒著煙，熱辣辣、香噴噴，鑊氣十足。睇下用料幾實在，入口細滑，加上以蛋絲、菜甫及黑醬油同炒，味道帶甜，相當香口。
椰菜苗用料新鮮，色澤翠綠，而且炒得火喉恰好，食落口感好爽脆，鹹香有致，真係百吃不厭！
食完再嘆番杯熱辣辣嘅話梅酸桔汁 ($38)，好正，開胃健脾。另外杯紅菜頭生薑茶 ($28) 味道亦唔錯，薑茶可以臨寒，飲完成身暖笠笠。
Post
