金記冰室 (黃大仙中心南館) (Under Renovation)

今日去開黃大仙 見到呢間有少少懷舊feel嘅茶餐廳 我就入去試吓 見到Menu勁多選擇 基本上一間茶餐廳有嘅嘢佢都有 仲有好多特色野 兩個人食真係冇辦法 肚嘅空間有限 咁我哋揀咗下面幾款食物鐵板美式什扒薯菜-份量超級超級大 一上枱嘅時候我同朋友都即刻嘩一聲 有牛扒豬扒雞扒火腿腸仔仲有薯條雜菜 基本上嗰度爭少少就高到林落嚟咁 黑椒汁另上 林落去嘅時候渣渣聲 雖然價錢唔貴 但意想不到食物質素好高 豬扒牛扒雞扒全部好淋身 吸收埋黑椒汁食完一啖又一啖 啱晒食肉獸生炸雞脾即食麵-個雞髀炸得好香脆 薯仔沙律份量好夠酸酸甜甜好好食 仲有配出前一丁份量一啲都唔小 女仔食完全飽到夜晚果餐飯都唔使食凍奶茶-茶餐廳嘅奶茶真係特別好飲 唔會太甜 奶味茶味都好足