麻辣五三五 (Closed)

真係好鐘意食烤魚，呢日朋友帶我食好野，佢話呢間烤魚好好味，值得列入食完再食系列。食烤魚當然要食辣啦～朋友話水煮同麻辣都好味，最後我選擇左麻辣味道。一上枱已經聞到香噴噴，魚既肉質好嫩滑，而且味道好鮮甜，食得出條魚好新鮮，仲要啖啖肉條魚應該都好大條😋然後我地再加左自己想食既配料落去，個烤魚湯底愈食愈出味，麻辣味道個後勁好正🤣個寬粉同娃娃菜完全係吸哂個湯底味道，辣得好過癮🤤🤤另外其實仲好多另類菜式，但我同朋友已經好飽了，唯有留待下次再試。