好佰佰

Open Now

Now Closed

燒鵝叉燒雙拼飯 $48想啖啖肉咁食，加咗$18轉鵝髀。燒鵝髀皮脆肉滑，一陣油香喺口內爆發，之後會咬到滑溜嘅我俾肉，肉香同油香喺滋味無窮，$18加得好值得！叉燒外層燒到有焦糖嘅甜味，肉質十分鬆軟，仲一啲都唔肥膩。叉燒脂肪平均，每塊都厚切上碟，分量十足。星洲炒米 $45配菜有蝦仁、火腿、叉燒、蛋絲，炒得夠鑊氣。落油唔多(食完碟底無油)，米粉鬆身唔會炒到結塊，乾爽彈牙好味！金磚四國西多士 $30 炸完上碟依然挺拔厚身，唔會扁塔塔，食落口有回彈。中層香口粗粒花生配幼滑花生醬，甘香又有口感，難怪係熱門之選。