Video
Read full review
2018-03-31
456 views
一班friend 喺維園踢完衛生波，之後鳥獸散，剩低我和個老死。老死話食飯，但係唔想入番銅鑼灣嗰頭，就係咁，我哋過咗去大坑嗰邊搵食。呢間餐廳細細間，聽講甜品至為出色，一場嚟到一定唔會放過佢。踢完波，真係好鬼肚餓，一定要食番多啲補充番能量。餐牌的印刷質素嘛嘛地，大黑地，反白字，字體又較為細，仲用膠套入住，反起光上來，真係幾難睇到餐牌上面嘅字。唯有出絕招，將個膠套拎走，咁就睇得舒服好多。建議餐廳喺呢方面改善一下。我哋點咗兩個 main sets 和兩個甜品:-法式油浸鴨腿配窩夫班尼迪克蛋 $178香辣蒜蓉大蜆意粉 $178薄荷香茅薑茶 $38 (跟餐free )朱古力奶昔 $52布丁三重奏 $98意大利提拉米蘇 $78【薄荷香茅薑茶】原來喺來自來佬貨 Mighty Leaf，係貴嘢嚟，唔怪得知味道有番咁上下。【朱古力奶昔】香滑朱古力奶昔，裡面仲有個雪糕球，好正!【香辣蒜蓉大蜆意粉】餐牌本來是【香辣蒜蓉大蟶子扁意粉】，但係店員話蟶子無貨，要用大蜆來取代。唔緊要，整得好食就得喇! 個樣都好得，六隻大蜆插咗入意粉上面，好吸引。大蜆好新鮮，有些少辣，幾惹味。意粉被香蒜辣汁完全封鎖住，食起來啖啖都有
呢間餐廳細細間，聽講甜品至為出色，一場嚟到一定唔會放過佢。
踢完波，真係好鬼肚餓，一定要食番多啲補充番能量。
餐牌的印刷質素嘛嘛地，大黑地，反白字，字體又較為細，仲用膠套入住，反起光上來，真係幾難睇到餐牌上面嘅字。
唯有出絕招，將個膠套拎走，咁就睇得舒服好多。建議餐廳喺呢方面改善一下。
我哋點咗兩個 main sets 和兩個甜品:-
法式油浸鴨腿配窩夫班尼迪克蛋 $178
香辣蒜蓉大蜆意粉 $178
薄荷香茅薑茶 $38 (跟餐free )
朱古力奶昔 $52
布丁三重奏 $98
意大利提拉米蘇 $78
【薄荷香茅薑茶】
原來喺來自來佬貨 Mighty Leaf，係貴嘢嚟，唔怪得知味道有番咁上下。【朱古力奶昔】
香滑朱古力奶昔，裡面仲有個雪糕球，好正!【香辣蒜蓉大蜆意粉】
餐牌本來是【香辣蒜蓉大蟶子扁意粉】，但係店員話蟶子無貨，要用大蜆來取代。唔緊要，整得好食就得喇!
個樣都好得，六隻大蜆插咗入意粉上面，好吸引。
大蜆好新鮮，有些少辣，幾惹味。
意粉被香蒜辣汁完全封鎖住，食起來啖啖都有特製的香蒜味，唔錯。
【法式油浸鴨腿配窩夫班尼迪克蛋】
隻鴨腿都幾大隻，炸得好香脆。
窩夫好鬆化，加埋最佳拍檔嘅蜜糖，仲好食。
Bennedict 蛋切開後，蛋黃是流出來的，要加分。
【布丁三重奏】
嘩! 三重奏原來係焦糖布丁、home-made tiramisu和巨型梳乎李!布丁上面的焦糖超正，蛋又香滑。
自家製 tiramisu，好特別，出面食唔到。
巨型梳乎李，軟綿綿，好香甜。
【意大利提拉米蘇】
造型出色。除了有一個自家製黃色 tiramisu，還有白色的雪糕，再加上啡色的朱古力，三個襯埋一齊，無100分都要俾90分啦。味道方面，最正係個朱古力，味道夠濃烈，好味!呢餐絕對可以彌補番頭先場波所消耗嘅能量，目的達到! Yeah!
Post
