Video
Read full review
2019-01-23
88 views
外表鬆脆內裡軟滑嘅心太軟係人見人愛嘅甜品，但好多餐廳做嘅心太軟都會變咗一舊實心蛋糕，更衰嘅仲要凍晒硬晒，完全唔合格！因爲成日中伏嘅關係，我都好少食呢樣甜品。黎到呢間係紅磡嘅甜品bar，我就比個機會佢......終於！我搵到十分出色嘅心太軟啦！一般心太軟都係食朱古力味嘅，但好多時朱古力味嘅甜品都幾甜下嘅（熱嘅話甜度係會幾倍增加），但其實我又唔係好中意食d 太甜嘅甜品，自己本身又中意抹茶，咁就試下抹茶心太軟～抺茶心太軟（$68）一眼望落去有晒拌碟裝飾幾靚嘅！雪糕係紅豆味，抺茶配紅豆好正路呀一切開個心太軟...... 熔岩流出！好流心呀！！！食落去都仲係好暖好軟熟，有陣陣回甘，唔會死甜，感覺上健康好多，食晒成個都好放心其實佢其實野食都幾唔錯架！但呢個心太軟就真心推薦北海道OREO芝士千層蛋糕（$40）D crepes 唔算好薄，但味道唔錯，OREO同芝士味都好濃，但又唔會搶咗大家嘅味，配合得岩岩好炸薯條配黑松露醬（$42）薯仔係我中意嘅厚切薯條仲要新鮮滾熱辣岩岩炸起！就咁食d薯條已經好歡欣～黑松露醬好大兜，而且好濃味，超正！（去其他餐廳佢哋只會加少少醬係薯條面，食幾條就無晒！呢到成兜上仲要咁
一般心太軟都係食朱古力味嘅，但好多時朱古力味嘅甜品都幾甜下嘅（熱嘅話甜度係會幾倍增加），但其實我又唔係好中意食d 太甜嘅甜品，自己本身又中意抹茶，咁就試下抹茶心太軟～
抺茶心太軟（$68）
一眼望落去有晒拌碟裝飾幾靚嘅！雪糕係紅豆味，抺茶配紅豆好正路呀一切開個心太軟...... 熔岩流出！好流心呀！！！食落去都仲係好暖好軟熟，有陣陣回甘，唔會死甜，感覺上健康好多，食晒成個都好放心
其實佢其實野食都幾唔錯架！但呢個心太軟就真心推薦
北海道OREO芝士千層蛋糕（$40）
D crepes 唔算好薄，但味道唔錯，OREO同芝士味都好濃，但又唔會搶咗大家嘅味，配合得岩岩好
炸薯條配黑松露醬（$42）
薯仔係我中意嘅厚切薯條仲要新鮮滾熱辣岩岩炸起！就咁食d薯條已經好歡欣～黑松露醬好大兜，而且好濃味，超正！（去其他餐廳佢哋只會加少少醬係薯條面，食幾條就無晒！呢到成兜上仲要咁多）
燒法國春雞配紅酒燒汁（$168）
隻春雞真係好細隻！d肉好嫩滑！好欣賞佢每一樣野都即叫即整，係要等少少時間，但d野仲熱嘅感覺好食好多！
Post
