Video
Read full review
2022-12-24
5427 views
露面手工拌麵料理 - 灣仔今次去到灣仔，於是上網睇下有咩野好西食，見到呢間餐廳主打台灣菜，而且有個白布湯麵幾得意，於是決定去試試。當日大約下午6:30左右去到，餐廳門口已經要排隊，店內亦滿座，等左大約15-20分鐘終於可以入去。排隊期間旁邊都已經有Menu可以睇，所以已經諗好哂，坐底就叫得，可以減省食客諗食乜既時間，很貼心。今期做緊一個「冬日限定套餐」可以加錢有手搖。另外都叫了一個「一人拌飯」餐，都幾抵食。「一人拌飯」$88-秘製香槽醉雞-滷肉飯(碗）-野生松茸鮮雞湯(原盅) +$18醉雞味道帶有陣陣花雕酒味，不會非常濃烈蓋過雞肉本身的味道。雞肉肉質很結實，份量都幾多。滷肉飯份量適中，餐廳用的魯肉是用肉粒而非肉碎，脂肪與肉的比例都很適中，魯肉汁味道都幾濃郁，魯肉飯整體味道濃郁香口。另外，加左18$試下原盅的野生松茸鮮雞湯，味道很清甜雞湯濃郁，有小量雞肉於盅內，可見真材實料。「冬日限定套餐」$75-嫩雞白布湯闊麵-滑溜溜香芋鮮奶 +$8另外，當然唔少得叫左碗吸引我試既白布湯麵。湯底味道非常濃郁，不禁飲多兩啖。湯麵內有大量菜粒而且很爽脆，還有有很多嫩滑的雞肉條，大大提升湯麵口感。主角大大塊
今次去到灣仔，於是上網睇下有咩野好西食，見到呢間餐廳主打台灣菜，而且有個白布湯麵幾得意，於是決定去試試。當日大約下午6:30左右去到，餐廳門口已經要排隊，店內亦滿座，等左大約15-20分鐘終於可以入去。
排隊期間旁邊都已經有Menu可以睇，所以已經諗好哂，坐底就叫得，可以減省食客諗食乜既時間，很貼心。今期做緊一個「冬日限定套餐」可以加錢有手搖。另外都叫了一個「一人拌飯」餐，都幾抵食。
「一人拌飯」$88
-秘製香槽醉雞
-滷肉飯(碗）
-野生松茸鮮雞湯(原盅) +$18
醉雞味道帶有陣陣花雕酒味，不會非常濃烈蓋過雞肉本身的味道。雞肉肉質很結實，份量都幾多。
滷肉飯份量適中，餐廳用的魯肉是用肉粒而非肉碎，脂肪與肉的比例都很適中，魯肉汁味道都幾濃郁，魯肉飯整體味道濃郁香口。
另外，加左18$試下原盅的野生松茸鮮雞湯，味道很清甜雞湯濃郁，有小量雞肉於盅內，可見真材實料。
「冬日限定套餐」$75
-嫩雞白布湯闊麵
-滑溜溜香芋鮮奶 +$8
另外，當然唔少得叫左碗吸引我試既白布湯麵。湯底味道非常濃郁，不禁飲多兩啖。湯麵內有大量菜粒而且很爽脆，還有有很多嫩滑的雞肉條，大大提升湯麵口感。主角大大塊的麵塊，就如一塊白布一樣，口感都幾滑滑的，而且都幾掛湯，感覺都幾特別，值得一試。
另外再加左$8，叫左一杯「香芋鮮奶 」叫左微甜，芋頭味道不是很突出，但口感有芋泥的感覺，鮮奶都不算太濃郁，不過整體都唔錯。
📍露面手工拌麵料理 (灣仔)
灣仔莊士敦道55號地下A號舖
🐝味道指數：8.5/10
🐝超值指數: 8/10
🐝環境質數：7.8/10
#beebeeeat #hkfoodie #hkblogger #hkfood #hkig#food #foodie #hk #hongkong #ighk #香港餐廳 #食好西 #灣仔 #灣仔美食 #台灣餐廳 #台灣菜 #白布湯麵 #魯肉飯
Post
