武士拉麵 (Closed)

今時今日去好多地方食拉麵閒閒地都要成嚿水，相反呢間既午市拉麵真係好抵食，而且味道亦好好，好有誠意，所以地點有d唔就腳都值得去支持下。呢度既湯底濃度，麵條粗幼同麵質軟硬度都可以自己選擇。今次我要左碗豐臣將軍拉麵，姐係四國香蔥拉麵，湯底要濃而麵質係粗。湯底啖啖充滿香蔥味，而面頭亦加上大量蔥粒，岩哂我呢個蔥精。朋友就要左足利將軍拉麵，即係黑蒜油豬骨湯拉麵，麵就要左幼麵。黑蒜同麻油味道2者配合得好好，豬骨味亦夠濃。重點要講既係拉麵上既叉燒，燒到焦焦地，再加上黑椒，勁香勁好食！另外要左2個小食，煎餃子同炸雞塊。煎餃子饀冇咩特別，都係白菜豬肉，但勝左皮夠薄亦煎得夠脆。炸雞塊就值得一讚，$22有5大件，唔乾夠juicy，雞肉亦好嫩滑，好好食！下次會去埋其他分店試下。