星怡

Open Now

Now Closed

約咗朋友返去舊學校附近食飯，畢業之後好耐冇嚟黃大仙，去咗附近商場現崇山食晚飯。兩個人唔覺唔覺叫咗幾個餸食。黑松露香煎鮑魚鮑魚已脫殼切到一粒粒，用黑松露炒香左放返喺殼上面，松露味好香好濃郁，鮑魚肉汁鮮嫩好彈牙咖喱牛腩加手抓餅咖喱牛腩炆到好入味仲有我最愛嘅牛筋，味道唔算太辣，啱晒我口味。叫咗個手抓餅嚟點咖喱汁，超級搭配。手抓餅好鬆脆。海鮮釀油炸鬼估唔到油炸鬼入面釀咗大量蝦膠，外面炸到脆卜卜，蝦膠嘅份量十足，連埋泰式辣醬yummy yummy新加坡魚蛋喇沙本來嗌上面嘅餸已經夠食，但朋友係澱粉怪物，所以叫多個喇沙嚟食， 喇沙好香椰汁味好濃，加上有啲芽菜仔爽口又好味芒果椰汁沙冰芒果加椰汁唔會過甜味道啱啱好，非常解渴下次有機會再嚟黃大仙食飯，會再試吓去其他菜式。