韓淼莊 (Closed)

韓淼莊係大角咀一間抵食的韓食店, 主打石頭鍋飯, 抵食又大碗, 而且撈飯的這個醬汁亦非常配合.套餐可選兩款小食, 通常我都係會選泡菜或薯仔, 因為呢度泡菜非常合我口味, 好夠味; 而薯仔煮得非常入味, 不太肯定係蠔油? 咖喱? 還是其它了!!!我自己係呢度食石頭飯有些個人喜好, 通常我會將肉菜先撈一下, 被石鍋弄熱點後收乾水份, 才再篤穿蛋黃, 蛋亦漸熟後才開始慢慢加醬, 一直平均撈及攪熱才開始起筷! (因為有菜水份多再加上蛋黃及醬汁, 同時一起時會令整個飯都濕, 怎弄都只係太濕淋淋了!) 另外還有一些其老它食, 好似石板 (豬/牛/雞) 配白飯, 肉類味道跟石鍋飯無異, 只係改以蔬菜襯底, 鐵板上, 唔喜歡吃得每口熱辣辣, 此款都係不錯之選! 其它還有豆腐鍋, 牛肋骨及湯麵等!!!餐飲通常我都唔要, 因為無一款我覺得好飲!而這裡服務方面就一次比一次退步了, 笑容欠奉就預左, 遲出漏單常發生, 真的需要改善一下! 環境一般, 枱與枱之間很少空間, 非常擠逼. 最後廁所細得要命, 如可選擇出外面街市或麥當勞會好些吧!!!