帝京餅店 (Closed)

我哋屋企係帝京餅店的忠實fans，成日都會去買蛋糕食，今次係我生日，老公又係帝京酒店入面的帝京餅店買蛋糕，唔同的係，佢今次係網上訂購，一樣會有折扣優惠，原價 HK$ 320.00，網上特價 HK$ 288.00一個，好方便又可以寫生日祝福字句。今次揀左比較高身的黑森林蛋糕，每個一磅，係朱古力海綿蛋糕入面有朱古力慕絲，有櫻桃酒糖水，櫻桃酒忌廉和櫻桃醬。蛋糕好好味，唔算太甜，造型都好靚。附送的朱古力生日牌原先放左係蛋糕上面，但遮住哂全部水果，影相唔太靚，俾我哋自己拎左出嚟放係下面。店員提醒蛋糕未食需要放雪櫃保存。