Garden Bar & Restaurant

Open Now

Now Closed

見到Tst有新餐廳,個環境又幾靚咁,忍唔住就去試下 其實我好鍾意去類似嘅地方食西餐,不過有時啲環境又太嘈,有時枱與枱之間有好窄冇乜空間感,呢度就感覺幾舒服,適合朋友靜靜地傾下計飲嘢食飯。呢度係用ipad menu,首先睇到嘅係一堆個名好特別嘅飲品,每款cocktail都會有少少文字解釋下關於個杯飲品,我覺得幾有心思朋友揀咗杯眠曲, 我就揀咗杯冇酒精嘅cinderella,兩杯飲品都真係幾有驚喜。先講朋友個杯,淨係個酒杯都已經好有特色,襯返眠曲個名有個月亮嘅架,酒味唔算好濃有淡淡花香,味道好特別,好少飲到類似既cocktail。而我個杯就有濃濃既berry味,酸酸甜甜,好好飲。然後waitress 主動過嚟介紹嘢食畀我哋聽,佢介紹咗呢度嘅signature沙律,同埋煎帶子畀我哋。個沙律擺盤好靚,其實全晚嘢食嘅擺盤都好好,好有心機,呢點好抵讚 沙律食得出所有食材都係新鮮嘅,佢唔會有好多沙律醋或者醬,蓋過咗蔬菜嘅新鮮,感覺淡淡地酸酸地幾清新。之後係一個蕃茄水牛芝士,個sauce做得幾好,都係用新鮮蕃茄整成,而水牛芝士唔會好重芝士味,對於我朋友比較唔鍾意太濃芝士味嘅人嚟講,就唔會抗拒呢款菜式。