木子甜品 (Closed)

路過油塘，突然間甜品癮發作，好想食甜野，就黎左木子食個甜嘅下午茶啦。黎到呢度就不能不試佢嘅名品：芋圓系列喇。我叫嘅係芋治豆腐花芋圓，賣相一般但好好味又抵食。唯一不足嘅係，我唔係好鍾意食雪糕， 試過問店員有冇得換其他嘢，加錢換都得，佢哋都話冇， 唔好話換其他嘢丫， 連轉其他口味嘅雪糕都唔得呀。唔鍾意都冇辦法，但唔食又好晒，於是我就被迫食晒成個綠茶雪糕。芋圓真係值得一讚，䁔䁔地又唔硬，口感非常QQ，有時我為食起上嚟，會加錢加多份芋圓食添！