Video
Read full review
2023-11-14
287 views
話說仲好記得啱啱開始做foodie個時就係呢間係荃灣分店開張嘅時候，自從個一次幫襯過之後就愛上咗，之後瘋狂回購咗無數次，自己係外賣平台買得最多嘅就係呢間～早排有外國嘅朋友到訪香港都特登介紹佢去食🤣今次趁人多終於可以分享多幾個佢哋嘅item🫶🏻呢一間最出名嘅就係佢哋嘅豆乳，因為飲落比起平時嘅豆乳，呢間無論係豆香定係質地都濃稠好多，當中自己買得最多就係鮮芋泥豆乳($30)，要讚嘅係呢一間嘅芋泥真心好正，入口綿滑，而且有帶香芋嘅自然香，甜度適中💜 除咗豆乳，呢度都仲有好多唔同款嘅豆乳飲品，自己都幾鍾意佢哋嘅豆乳奶蓋，朋友嗌嘅奶蓋芋泥小丸子 ($42)都幾足料，豆乳奶蓋夠厚身，飲落去就好似幫自己條脷冚被咁，而且小丸子夠煙韌，最底仲有超～多芋泥同埋滑溜豆乳布丁😆三色芋圓豆花 ($30)亦都係我成日買嘅品項，豆腐花豆味香濃，而且入口滑身，芋圓、地瓜圓同埋紫薯圓有十幾粒，而且食落去口感煙韌又有味，份量慷慨🫶🏻佢仲有好厚一層嘅特調椰奶同少少黑糖，所以食落都好夠甜😚佢哋隨住唔同季節會推出唔同嘅期間限定，今次就抓住夏天嘅尾巴食夏日之選 ($60)🍉呢個係西瓜、芒果、西米露、芋圓加上豆花，生果整體都幾新鮮香
51 views
0 likes
0 comments
49 views
0 likes
0 comments
呢一間最出名嘅就係佢哋嘅豆乳，因為飲落比起平時嘅豆乳，呢間無論係豆香定係質地都濃稠好多，當中自己買得最多就係鮮芋泥豆乳($30)，要讚嘅係呢一間嘅芋泥真心好正，入口綿滑，而且有帶香芋嘅自然香，甜度適中💜
26 views
0 likes
0 comments
除咗豆乳，呢度都仲有好多唔同款嘅豆乳飲品，自己都幾鍾意佢哋嘅豆乳奶蓋，朋友嗌嘅奶蓋芋泥小丸子 ($42)都幾足料，豆乳奶蓋夠厚身，飲落去就好似幫自己條脷冚被咁，而且小丸子夠煙韌，最底仲有超～多芋泥同埋滑溜豆乳布丁😆
84 views
0 likes
0 comments
三色芋圓豆花 ($30)亦都係我成日買嘅品項，豆腐花豆味香濃，而且入口滑身，芋圓、地瓜圓同埋紫薯圓有十幾粒，而且食落去口感煙韌又有味，份量慷慨🫶🏻佢仲有好厚一層嘅特調椰奶同少少黑糖，所以食落都好夠甜😚
31 views
0 likes
0 comments
166 views
1 likes
0 comments
佢哋隨住唔同季節會推出唔同嘅期間限定，今次就抓住夏天嘅尾巴食夏日之選 ($60)🍉呢個係西瓜、芒果、西米露、芋圓加上豆花，生果整體都幾新鮮香甜，西米露份量都幾多，而且加埋佢哋本身超出色嘅芋圓，基本上唔會出錯🤪
46 views
0 likes
0 comments
123 views
0 likes
0 comments
除咗甜品，個人私心推介係吉列豬扒栥蛋飯 ($38)，呢間嘅栥飯係超大份，所以女仔食一個都好夠飽，自己平時都會買嚟當lunch～佢塊豬扒都幾厚肉，入面炸完都仲好粉嫩，加埋入面大量肉鬆、兩條厚厚嘅玉子、油炸鬼同有咬口嘅榨菜，拎上手仲係暖笠笠，啱晒冬天食☺️
總括嚟講，呢一間真係好值得大家一試，老實講真係款款都推介，要我揀一款自己最鍾意嘅我都唔識揀😂見佢分店愈開愈多都好戥佢哋開心，希望佢哋繼續努力開多啲分店，咁就可以更加方便咁食到🤑
Post
