華香雞 (Closed)

老字號小店始創於1988年 最近晌灣仔開新店主打賣廣東靚雞 仲有牛腩、魚、滷水、花雕小食小店更標榜不添加味精絕對係好食又健康之選！.💠一人豪華大套餐（$88）🔸鴛鴦雞飯（華香雞＋茶香雞）🔸鮮雞腎🔸雞湯白菜🔸老火湯🔸+花雕醉雞蛋（$12）.非常豐富！由於我鍾意食豉油雞所以揀咗全部要茶香雞，佢係用咗滷水汁加烏龍茶嚟煮，味道好香，雞好嫩滑，皮同肉中間仲有層啫喱，雞皮又好爽彈，好正！鮮雞腎都滷香咗，夠入味，筋位唔會硬。花雕醉雞蛋充滿咗酒香，浸得夠透，連個蛋黃都入哂味，而且個黃都好滑。整體嚟講真係幾好食，性價比高。