Tapa Room (Moved) New Location

對西班牙文化情有獨鍾，尤其係語言、人文及美食。上次行開銅鑼灣，見到有一間新開的西班牙菜餐廳「Tapa Room」，立即擺入我的 to-eat list。今日趁住 Happy Friday, 同女朋友收工之後來品嚐美食。坐低後，侍應就問我地飲啲咩。餐廳供應嘅酒種類都幾多，但我覺得食西班牙菜，當然要飲啤酒。店員推薦咗呢種 Mahou Draught，西班牙啤酒，甜甜地好易入口，唔覺唔覺飲咗三杯！女朋友唔飲酒，點了一杯 Orange Juice。Tapas 十分出色！炸西班牙小青椒，咸咸地，層次分明嘅開胃小菜！薄切慢煮八爪魚，用咗蕃茄醬同橄欖油調味，酸酸甜甜超開胃！棒棒鵝肝，鵝肝係用白酒煮過，開心果碎伴碟，佐酒一流！賣相幾靚，好滿足！巴塞隆拿式烤紅蝦，份量超大份，肉汁鮮嫩，口感一流黑毛豬火腿鮮甜凍蝦配蒜茸蛋黃醬Main Course 我地選咗鴨胸。肉汁十分鮮嫩，更顯廚師功架。餐廳嘅裝修有格調，背景音樂輕鬆，令人感到年輕有活力。工作上遇到的壓力，一個晚上一頓晚餐一杯酒，就此釋放。美酒佳餚果然係人生最好嘅享受。