BEP Vietnamese Kitchen 越灶 (Closed)

收工同朋友嚟K11 Musea行下順便食晚飯，見到呢間越南餐廳座無虛席就試下佢啦。菜式選擇都算多，有串爆，沙律，米紙卷，湯粉湯檬撈檬，啲湯檬主打都係牛肉做配料，有個河內蕃茄蟹檬，聽落好正就同朋友叫咗2碗。湯頭好出色，好好飲，配料有扎肉，蝦丸，蟹(腳)半份，炒蛋，但略嫌蟹肉有啲啲霉，但整體都好出色。椰青蒸蜆，開頭食唔出有椰青味，但攤凍少少就食到椰青嘅清甜，有少少辣。雞肉串燒肉質好嫩，味道同燒牛肉米紙卷一樣，正常水準。叫咗杯熱情果沙冰同特濃手搖咖啡，咖啡唔錯，唔太甜。