十三少 (Closed)

今日約左媽媽lunch，佢超鍾意食辣野所以帶咗佢嚟十三少一試呢度嘅酸菜魚😇餐廳嘅裝修走中國風，裏面有唔少沙發卡位非常寬敞舒適。值得一讚嘅係每位員工都好有禮貌感覺親切，不停為我地加水😂👍🏻我地點左一個二人套餐: 📍前菜涼拌土豆絲🥔酸酸辣辣好開胃！酸中帶點辣，辣中透著麻。📍椒麻皮蛋 - 係透明黃心溏心皮蛋！我從來未食過咁特別嘅皮蛋。皮蛋用醋同蒜蓉調味，作為前菜非常之開胃📍麻辣滷豬手 - 炆得超級入味而且炆得好腍，好耐冇食過咁好食嘅豬手每一啖都係香麻辛辣好過癮！📍十三少酸菜魚 - 用咗新鮮魚湯去整，味道非常鮮甜。店員建議我地可以先品嘗湯頭。魚肉係採用淡水蘆魚，每一片都非常嫩滑而且食落冇骨啖啖魚肉！另外加入左萵筍、香菇、等嘅配菜索曬魚湯嘅味道，辣味唔算濃不過麻味就十足。📍紅糖糍粑 - 加錢點左呢個招牌甜點，口感好似食緊炸糯米糍😆 外脆內軟，配埋黑糖醬汁好味到停唔到口，再飽都可以成碟食哂！