木槿花韓牛專門店 (Closed)

朋友既同事推介佢黎呢間韓燒店，而且用apps 訂枱有八折，於是我就跟住朋友黎試啦。我地叫左1++韓牛特別燒烤拼盤。前菜有芽菜、泡菜同洋蔥，食完可以再添，我地添左3次。生菜係可以用黎包住牛肉食，冇咁膩。侍應會幫手燒，所以我地只係坐係度等食因為好好食，掛住食食到一半先記得影相😆拼盤包韓牛稀有部份 (封門柳、內裡脊、大理石）、牛肋肉、肉眼。啲韓牛好嫩滑，好香牛味。話咁快就成碟食晒，但未夠飽，所以加左一個香蔥海鮮煎餅。煎餅入面有韮菜、蔥、紅蘿蔔同蝦。唔係好夠熱，味道一般。餐廳環境寬敞，而且唔會好嘈，適合同朋友傾偈。服務方面亦都唔錯，有人幫你燒肉，牛既生熟控制得好好。