Cambo ขุนทอง (The ONE)

Open Now

Now Closed

餐廳：Cambo地點：尖沙咀The ONE菜式：泰越Fusion菜餐牌：主餐牌有精選菜式，泰式酸辣沙律，泰式燒烤，海鮮，香脆小吃，咖喱，冬蔭，蔬菜，粉麵飯，甜品，飲品泰式海鮮醃粉絲 $89 另加一泰式海鮮醃粉絲係滿滿嘅幼身滑溜粉絲撈埋洋蔥絲同芹菜，口感係又滑又爽脆。加左唔少辣椒同蒜蓉，味道都幾辣，係辣中帶少少酸，好開胃。海鮮有三隻去殼蝦，幾件脆口墨魚肉，蜆仔同肉碎，面頭加上兩條芫荽，下底墊有一大塊生菜。泰式去骨海南雞半隻 $128 另加一泰式去骨海南雞半隻有齊髀胸同翼，連翼都去埋骨，除咗翼尖。雞髀好嫩口，雞皮好厚又滑溜。下底原來墊有唔少梛菜，伴有兩片生青瓜，面頭仲有一條芫荽。另上兩兜甜豉油同酸辣醬，令雞肉味道更好。香茅烤豬頸肉 $98 另加一香茅燒豬頸肉擺盤同泰式去骨海南雞差唔多。9塊薄片豬頸肉有香口燶邊，食落又脆又香，點另上既甜酸醬食更美味，而且係暖暖地上枱，絕對係加分。下底墊有好多健康清淡梛菜絲沙律，伴有兩片青瓜。面頭放上兩大條芫荽。呢碟豬頸肉係我呢排食過最好食嘅！食物質素唔錯，保持一貫水準，今餐特別鍾意香茅烤豬頸肉。餐廳位於大商場The ONE，位置就腳，裝修正常，服務無問題。