Video
Read full review
2020-11-20
932 views
餐廳：煲底海鮮火鍋料理 (尖沙咀)地址：尖沙咀金馬倫道38-40號金龍中心3樓人無事先做到世界冠軍🏆，約定你煲底見面，不見不散尖沙咀呢間開咗未夠半年嘅煲底海鮮火鍋料理，係一間不折不扣嘅香港人火鍋店🍲，由外到內再到返外都係充滿香港人嘅精神🇭🇰，鍾意打邊爐嘅你真係唔可以錯過呢間高質火鍋店‼️餐廳可謂黃到極致🎗，除咗用上黃同黑色作為主色，亦用上黃櫈、黃紙巾，仲有「Be Water🌊」同「Hong Konger」等字眼係細壁，作為香港人嘅你一定會好有共鳴😎。而且店員嘅服務態度都好好，好傾得嚟又會介紹吓啲食物比食客聽，煲底仲不時播住鼓舞香港人嘅歌曲🎼揀咗野菌黑松露湯鍋($129)，未開爐就已經聞到陣陣黑松露香😋，仲有好多野菌同菇類係湯底入面鹽燒安格斯牛筋 $89未開始打邊爐緊係食下啲小食先🍢，呢個牛筋一客有三串。先將安格斯牛小排(牛嘅肋骨部位)連筋部切片🐮，用昆布同酒煮炆完再拎去燒🔥，加上岩鹽🧂，因為炆過嘅關係，食落有咀嚼感但唔會好韌，而岩鹽亦都冇平時嘅粗鹽咁鹹，唔會有食完要狂飲水嘅感覺😛五色刺身拼盤 $369有金目鯛、醬油漬旗魚腩、海蠔，同兩款時令嘅日本魚🐟。個人最愛用日本瀨戶內海蠔整成嘅乾杯蠔
地址：尖沙咀金馬倫道38-40號金龍中心3樓
人無事先做到世界冠軍🏆，約定你煲底見面，不見不散
尖沙咀呢間開咗未夠半年嘅煲底海鮮火鍋料理，係一間不折不扣嘅香港人火鍋店🍲，由外到內再到返外都係充滿香港人嘅精神🇭🇰，鍾意打邊爐嘅你真係唔可以錯過呢間高質火鍋店‼️
餐廳可謂黃到極致🎗，除咗用上黃同黑色作為主色，亦用上黃櫈、黃紙巾，仲有「Be Water🌊」同「Hong Konger」等字眼係細壁，作為香港人嘅你一定會好有共鳴😎。而且店員嘅服務態度都好好，好傾得嚟又會介紹吓啲食物比食客聽，煲底仲不時播住鼓舞香港人嘅歌曲🎼
揀咗野菌黑松露湯鍋($129)，未開爐就已經聞到陣陣黑松露香😋，仲有好多野菌同菇類係湯底入面
鹽燒安格斯牛筋 $89
未開始打邊爐緊係食下啲小食先🍢，呢個牛筋一客有三串。先將安格斯牛小排(牛嘅肋骨部位)連筋部切片🐮，用昆布同酒煮炆完再拎去燒🔥，加上岩鹽🧂，因為炆過嘅關係，食落有咀嚼感但唔會好韌，而岩鹽亦都冇平時嘅粗鹽咁鹹，唔會有食完要狂飲水嘅感覺😛
五色刺身拼盤 $369
有金目鯛、醬油漬旗魚腩、海蠔，同兩款時令嘅日本魚🐟。
個人最愛用日本瀨戶內海蠔整成嘅乾杯蠔🦪，瀨戶內海嘅蠔比較鮮甜，唔會有生蠔成日聞到強烈甚至刺鼻嘅海腥味，食起上嚟更細膩，加上用咗grapefruit sake(微酸嘅酒汁)同蟹籽去配搭調味，別有一番風味🤤，必試‼️
頂級新鮮手切本地肥牛(小) $269
打邊爐又點少得肥牛🐂，先睇下呢碟肥牛嘅刀工🔪 ，面頭有啲肥牛碎作裝飾，底下圍住嘅肥牛片厚薄適中，大小均勻，砌得完整吸引😍，油花比例算係平均，而且顏色紅潤，唔見有瘀紅。老闆教到，放落滾起嘅湯底5秒鐘就食得，如果唔係就會太老，OMG🤩，果真牛肉香味濃，雖然未至於入口即溶，但都好鮮嫩好好食👍🏼
雙拼自家製蟹黃包同自家製黑松露帶子湯包 $109
煲底另一個賣點就係有好多自家製嘅丸同餃，蟹黃包用料十足！先將蟹黃同蟹肉炒香，再釀入包包入面，一咬開就見到豐富嘅餡料😋，蟹香無比🦀；黑松露帶子湯包亦滿有驚喜，除咗有香濃嘅黑松露香，中間仲有一粒新鮮帶子，簡直就好似玩緊尋寶咁😆
爆汁四寶丸 $109
四款丸都係爆汁丸💦，食嘅時候一定一定要小心🤣，唔好直接放入口咬開，如果唔係你會後悔的🥵。四款丸分別有流沙墨魚丸、酒心雞肉丸、芝士鮮蝦丸同爆汁梅菜豬肉丸，係市面上真係好少見，每一款樣都好特別，仲真係款款都「爆」得好勁😂，欣賞煲底嘅用心💛
另外仲叫咗個即炸響鈴拼炸魚皮($79)同蔬菜拼盤🥬($69)，呢度嘅響鈴唔同出面果啲淥一陣就會稔哂索哂水，反而淥耐啲再食會有好香濃嘅響鈴香味，食落口依然有一定韌性，亦唔會索過多嘅汁💧
打邊爐緊係飲返杯紫貝天葵($39/jar)降下火啦😎，唔係間間火鍋店有紫貝天葵呢款健康、消滯下火，而且酸甜開胃嘅飲品🤓，未試過嘅人一定要試下呢；
而最後食返杯朱古力生乳雪糕🍦，真係好滿足呀🥰約定你，我地煲底見好嗎？
Post
