Video
Read full review
2024-06-29
2138 views
早幾日約左朋友落蘭桂芳摸下酒杯底，臨去之前就諗住話不如係附近食少少野先，兜緊圈嘅時候就見到呢間餐廳，記得之前都有食過第二間分店，所以就試吓係咪一樣水準。我哋叫左一個油封鴨配格魯耶爾芝士dinner set，而朋友就揀咗黑松露香煎帶子可麗餅。朋友突然心血來潮，額外再加多左份薯條🤣🤣個set嘅沙律好快就上，主調係羽衣甘藍配黑醋。羽衣甘藍處理得好好，唔會有陣又苦又腥嘅味，加埋個黑醋汁，開胃到爆！好彩個薯條都好快到左，可以係等緊可麗餅嘅時候過下口癮！值得一提嘅係個薯條係啱啱炸起熱辣辣，佢係偏幼嘅薯條，食完一條又一條食得好快🤣🤣好快兩份可麗餅都到左。先講下我嘅油封鴨配芝士，佢上面放左一隻鴨脾，望到已經流哂口水。個鴨肉質結實得嚟唔會好韌，簡單嘅調味亦都唔會摭左鴨本身嘅味道，一個字，正！ 之後切開個可麗餅，入面都好足料，啖啖都係鴨肉同芝士，芝士偏咸，配上鴨內絲好夾，同淨食隻鴨脾又係另一種風味朋友嘅黑松露帶子可麗餅上面有煎香左嘅帶子，加上黑松露醬，帶岀左帶子嘅鮮味！而可麗餅入面都有好多帶子粒，又係絕不欺場。將個黑松露醬混埋一齊食都好正。最後我dinner set 跟左一杯熱奶茶，係茶包奶茶，比起其他西
我哋叫左一個油封鴨配格魯耶爾芝士dinner set，而朋友就揀咗黑松露香煎帶子可麗餅。朋友突然心血來潮，額外再加多左份薯條🤣🤣
個set嘅沙律好快就上，主調係羽衣甘藍配黑醋。羽衣甘藍處理得好好，唔會有陣又苦又腥嘅味，加埋個黑醋汁，開胃到爆！好彩個薯條都好快到左，可以係等緊可麗餅嘅時候過下口癮！
值得一提嘅係個薯條係啱啱炸起熱辣辣，佢係偏幼嘅薯條，食完一條又一條食得好快🤣🤣
好快兩份可麗餅都到左。先講下我嘅油封鴨配芝士，佢上面放左一隻鴨脾，望到已經流哂口水。個鴨肉質結實得嚟唔會好韌，簡單嘅調味亦都唔會摭左鴨本身嘅味道，一個字，正！ 之後切開個可麗餅，入面都好足料，啖啖都係鴨肉同芝士，芝士偏咸，配上鴨內絲好夾，同淨食隻鴨脾又係另一種風味
朋友嘅黑松露帶子可麗餅上面有煎香左嘅帶子，加上黑松露醬，帶岀左帶子嘅鮮味！而可麗餅入面都有好多帶子粒，又係絕不欺場。將個黑松露醬混埋一齊食都好正。
最後我dinner set 跟左一杯熱奶茶，係茶包奶茶，比起其他西餐廳一個茶膽沖起，可以跟據我飲開嘅濃度自己調教，係一個唔錯嘅gesture！
果然呢一間分店都係保持超高嘅水準，下次即使唔係去蘭桂芳，去開呢頭都可以再幫襯！
Post
