Video
Read full review
2019-04-06
57 views
返左咁多日工，終於聽日都放假啦，朋友話帶我去試間新開ge西班牙餐廳，一齊relax下！餐廳鋪面玩味十足，有唔少霓虹燈，令人好似去左第二個空間，即刻忘記晒繁瑣嘅工作。餐牌上有唔少西班牙冷熱小食，我哋揀咗幾款嚟試吓。西班牙黑毛豬火腿，鹹鹹地，好開胃。炸西班牙小青椒，炸得幾香口。薄切慢煮八爪魚，配埋番茄蓉同埋橄欖油，味道異常地夾，八爪魚亦很有咬口。棒棒鵝肝，配上開心果粒，呢個賣相吸引，咬落好滑溜，亦有淡淡酒味，加埋啤酒，正！兩個人食份量岩岩好。鮮甜凍蝦配蒜茸蛋黃醬，食落鮮味十足，點埋個醬一流。巴塞隆拿式烤紅蝦，呢個好好味，蝦的口感十分彈牙，烤得很香，而且多汁。食完幾款小食點都要揀番個主菜試下，我地揀左鴨胸，店員表示係先焗後煎，食落肉質十分鮮嫩，並且充滿肉汁，絕對值得一試。由於我病病地，今晚只好飲Orange Juice。朋友就飲啤酒Mahou Draught，佢話d野食真係好岩餸酒，而呢款啤酒亦好得。餐廳野食質素高，店員亦很友善，會簡單介紹每款食物，下次好番一定要同朋友仔再黎啤一啤！
餐廳鋪面玩味十足，有唔少霓虹燈，令人好似去左第二個空間，即刻忘記晒繁瑣嘅工作。
餐牌上有唔少西班牙冷熱小食，我哋揀咗幾款嚟試吓。
西班牙黑毛豬火腿，鹹鹹地，好開胃。
炸西班牙小青椒，炸得幾香口。
薄切慢煮八爪魚，配埋番茄蓉同埋橄欖油，味道異常地夾，八爪魚亦很有咬口。
棒棒鵝肝，配上開心果粒，呢個賣相吸引，咬落好滑溜，亦有淡淡酒味，加埋啤酒，正！兩個人食份量岩岩好。
鮮甜凍蝦配蒜茸蛋黃醬，食落鮮味十足，點埋個醬一流。
巴塞隆拿式烤紅蝦，呢個好好味，蝦的口感十分彈牙，烤得很香，而且多汁。
食完幾款小食點都要揀番個主菜試下，我地揀左鴨胸，店員表示係先焗後煎，食落肉質十分鮮嫩，並且充滿肉汁，絕對值得一試。
由於我病病地，今晚只好飲Orange Juice。
朋友就飲啤酒Mahou Draught，佢話d野食真係好岩餸酒，而呢款啤酒亦好得。
餐廳野食質素高，店員亦很友善，會簡單介紹每款食物，下次好番一定要同朋友仔再黎啤一啤！
Post
