極品煮意 鷄煲.烤魚.火煱 (Closed)

平時覺喺屋企煮飯食會平過出街食 原來我呢個諗法係錯㗎 今日我同男朋友親身體驗極品煮意鷄煲 我哋五點鐘去食 六點半前埋單 每人120蚊有找 平到笑 抵食到喊 我要強調 我冇刻意六點半前埋單 而係有非常充足嘅時間比我填飽肚子 瘋狂任飲任食雖然呢度嘅價錢真係平得驚人 但係食物款式一啲都唔惹少 你諗得出嘅火鍋配料都已經有齊餐廳樓下就已經係街市 所以食材特別新鮮 尤其是係瓜，菜，菌類！意想不到竟然有海鮮類提供 我最愛嘅卜卜蜆 仲要係任食的 我一個人已經食咗超級多隻 肉質肥美又鮮甜 活活的卜卜蜆海水味十足鍋底來到了……秘製極品雞煲 是餐廳的招牌菜 味道香濃惹味 辣辣的 醬汁味道調配得剛剛好 相當出色雞件大細切得均稱 肉質半肥瘦 肉嫩又入味食完雞之後就開始加湯打邊爐 湯底依然非常濃郁 係咁食係咁食完全冇停過身為牛魔王既我 係咁食嫩牛肉同埋肥牛 餐廳仲有提供打邊爐唔少得嘅午餐肉而飲品方面亦都唔惹少 有餐廳自家製嘅新鮮豆漿 同海燕窩 罐裝汽水款式多不勝數…… 試了海燕窩 味道非常清潤 不會太甜 真係有啲似食品燕窩嘅感覺餐廳面積非常闊落 空間感十足 抽風系統做得非常良好 食完之後唔會成身臭崩崩 任飲任食兩