刕舙馫麵館 (Closed)

今天去紅磡探望親朋戚友，完事後，感到饑腸轆轆。經過佛光街天橋橋底時，見到一間食刀削麵既餐館，餐館名字十分多筆劃，引起了我的好奇心，決定一試。大部份價錢都係$40至$50，加$9仲可以加多一款餸。我叫左牛筋腩刀削麵加口水雞。冇諗到口水雞份量咁多，有一隻雞髀再配上幾舊雞胸，即使係雞胸都十分嫩滑。味道方面，雞味突出，另帶麻香。碟底的青瓜吸收曬雞和醬料的精華。刀削麵方面，湯底味道不俗，帶有淡淡既香氣。麵質煙韌彈牙，口感十足。牛筋腩方面，炆得好入味，亦十分淋，每一口都係精華。整體來說，份量足，價錢亦唔昂貴，下次咁啱經過紅磡一定會再食。