刕舙馫麵館 (Closed)

下晝要返學，但學校canteen質素認真麻麻，所以約咗同學去紅磡食個午飯先。經過佛光街見到呢間麵館，佢嗰名我完全唔識讀，加上平日好少食刀削麵，決定入去試吓。麵館只提供一款麵，就係刀削麵。每一款都係麻辣（當然可以走辣），唔知食完我嗰嘴會唔會好似餐牌咁紅。我叫咗麻辣口水雞刀削麵加水餃。估唔到口水雞係分開呈上，而且份量都幾多，起碼有四五件。口水雞帶麻香，但唔會太辣。麵條厚度均等，軟硬適中，入口煙韌。湯底一啲都唔油膩，非常清甜。另外，水餃係白菜豬肉，係我最鍾意嘅水餃餡料之一。另外仲叫左糖心蛋，半熟既蛋白令人垂涎欲滴。麻辣香味太突出，難怪餐廳名字包括「馫」一字，重要嘅事要講三次！香！香！香！比起其他麵條，我更喜愛刀削麵嘅口感，刕舙馫已經成為我既canteen。