樂香園咖啡室 (Moved) New Location

是日便服日，亦適逢OFB* ，同大王及牛油果相約在蛇竇食早餐。不用穿西裝，人也寧舍輕鬆。星期五，例牌叫杯熱齋啡，今日不想食甜野，就叫了個肉批。諗住食得有儀態一點，就問阿姐拿左刀叉，但除左第一刀﹝圖示﹞之外，是沒有一刀是切得成功的。因為批做得非常之鬆脆，一切就散，再切就飛落地，所以最後唯有向現實低頭，就係落手食。肉批是以鹹牛肉做餡，焗過後變得無甚味道，不過就咁食個批皮，已經吃知道功力所在。齋啡仍然醒神，呢樣唔使再講。埋單大王請，多謝晒。*OFB者，Openrice Friday Breakfast是也。