賢記甜品世家 (爹核士街)

Open Now

Now Closed

開完工就要獎勵一下自己，揀了一間糖水店為自己加點甜。店舖光鮮企理，設計簡約平實，感覺舒適。糖水選擇唔少，傳統和特色兼備。凍日本小山圓抹茶燉蛋白鮮奶（$42）第一次見，好特別！燉蛋白鮮奶中間有點綠，原來裏面載着甘香嘅抹茶，味道濃郁，連埋香滑甜美嘅蛋白鮮奶一起食，甘甘甜甜，味道剛好，有驚喜！分享甜，當然要分享埋俾屋企人。點了兩碗外賣，一是養身健體嘅桑寄生紅棗茶（$27），顏色好深，足料！味道甘甜，紅棗大大粒，好甜美。仲有碗滋補養顏嘅木瓜雪耳桃膠（$35），好多料！唔太甜，滋潤順喉，啲木瓜腍身，雪耳桃膠就爽口，好食！