Video
Read full review
2011-10-19
393 views
大前日(15-10-2011 Sat)晚,八個大人為女友人LT o係o度攬預祝生日BBQ,我o地分成兩批o黎,第一批o係晏晝4點幾到,另一批7點幾到.呢o度食物種類都唔係好特別,但就可以分為兩類,就係辣同唔辣.基本上,唔辣o既o野食味道好似全辣都一樣,但都係淡,食唔出乜味,辣o既就有黑椒牛丸(都唔係自己做o架啦)同其他我o地冇攞到o黎燒o既o野.雪到結晒冰o既多春魚都可以’梅’到斷開.印象中,最差o既係叉燒,佢外表雖然係橙紅色,但冇蜜汁味.而是日o既蕃薯唔甜兼有根.不過呢度有皮蛋瘦肉粥同炒麵,都幾奇特.服務:好一般,咩o野都度過晒,我o地九個大人兩個細路(其中一個只有兩歲幾免費),都只係畀一個盤我o地拎o野食,要食完冇晒o野至可以去拎第二轉,OK,但出去拎就只係畀少少o野,夾豬扒o既只畀兩件,我話6個人啊(第一批時),佢至畀多一件.費用:每開一爐要收$30.00o既開爐費.除蜜糖外,其他所有醬料用品如鍚紙,通通都要收錢.想飲啤酒都唔可以以入場包o既汽水劵加錢換購,要自己另外買,可能因為呢o度有啤酒妹吧.生日月可以出示身份證免費攞一支’香檳’,都幾大支吓,但原來只係果汁.衛生:地下都幾乾
呢o度食物種類都唔係好特別,但就可以分為兩類,就係辣同唔辣.基本上,唔辣o既o野食味道好似全辣都一樣,但都係淡,食唔出乜味,辣o既就有黑椒牛丸(都唔係自己做o架啦)同其他我o地冇攞到o黎燒o既o野.
雪到結晒冰o既多春魚都可以’梅’到斷開.
印象中,最差o既係叉燒,佢外表雖然係橙紅色,但冇蜜汁味.
而是日o既蕃薯唔甜兼有根.
不過呢度有皮蛋瘦肉粥同炒麵,都幾奇特.
服務:
好一般,咩o野都度過晒,我o地九個大人兩個細路(其中一個只有兩歲幾免費),都只係畀一個盤我o地拎o野食,要食完冇晒o野至可以去拎第二轉,OK,但出去拎就只係畀少少o野,夾豬扒o既只畀兩件,我話6個人啊(第一批時),佢至畀多一件.
費用:
每開一爐要收$30.00o既開爐費.
除蜜糖外,其他所有醬料用品如鍚紙,通通都要收錢.
想飲啤酒都唔可以以入場包o既汽水劵加錢換購,要自己另外買,可能因為呢o度有啤酒妹吧.
生日月可以出示身份證免費攞一支’香檳’,都幾大支吓,但原來只係果汁.
衛生:
地下都幾乾淨,不過我冇入洗手間,唔知點.
環境:
有畀小朋友玩o既滑梯組合同軟墊,但有啲軟墊已經有一個個洞,咁樣好易扭親腳.
其他:
廁紙要拎一個用完o既廁紙筒出去換返半卷返o黎.
水唔凍唔出奇,但汽水都係唔凍,可幸呢o度啲o野醃得唔入味,否則就真係渴死.
加碳時,啲碳全部都會彈,第一轉離譜到我o地全部唔可以燒,等佢爆成差唔多10分鐘爆完至燒,大佬呀,我o地o黎燒o野食唔係睇燒碳睇火屎同等被爆傷呀!男友人DL話呢啲係科學碳喎.
Post