越北牛肉粉

Open Now

Now Closed

越北粉絲又要同朋友出動去食下越北。今日同朋友係荃灣行街，去左位於荃灣千色匯越北。朋友叫左個順化湯檬粉，成個湯有少少輕微酸同辣味，感覺係幾清新，加上佢入面有D札肉，牛丸等等配料，成碗食起上黎一D都唔悶。另外我當然繼續叫佢地個生牛肉湯河，因為個湯真係好夠熱，可以燙得熟D生牛肉，牛肉肉味好濃味，keep倒水準!!因為我叫嘅係餐，所以配左有2個小食。對我黎講每次去越北一定要叫烤豬頸肉或者雞翼或者豬扒其中一樣，今次叫左豬頸肉，十分肥美，皮仲有少少脆。另外炸春卷亦都好夠料，夠熱，食落唔淋油。