越北牛肉粉

Open Now

Now Closed

5月25日，難得一家大小到荃灣千色店行街，見老公話肚餓，所以就搵到一間越北牛肉粉，食越南菜，去到門口附近，已經聽到員工及男經理好熱情叫我地入黎食，話入面有位唔洗等位，咁其實我地係一心想試下千色店越南野，就直接入去。嘩！好多人同我地講歡迎光臨，依家香港餐廳好少有既情況出現左，我和我老公驚喜左，坐低，跟住我地肚餓就一定立即擧手搵人落單，跟住個男經理就好快咁行過黎幫我地落單，落完單仲主動叫我地轉枱，因為有張卡座走左，佢話方便我地照顧小朋友，其實我地想問佢，點知佢（先發制人）講笑，其實係細心，轉完枱仲問我地要唔要碗仔俾小朋友，溫水等等，好貼心 。上菜時間都唔耐，食物尚算ok，起碼夠熱先，我地好快都食完，跟住我就負責俾錢，帶埋小朋友去收銀位俾錢，跟住男經理主動去同我個女傾計，滿帶笑容，仲讚我同我個女好似樣，一樣咁甜咁靚，超開心，臨走前我個女問個經理哥哥叫咩名，佢好攪笑咁答我女女叫‘湯馬士回旋’，仲有笑容動作，攪到我個女走果時主動講88,下次要再搵回旋哥哥傾計。今次，令我地覺得係有熱情既服務，舒適既用餐，溫馨既溝通，我地已經想好兩個星期後再去搵回旋哥哥

未到午餐時間，我入去食野。企左係門口十分鐘都無人帶位，我就自己入去坐低左。到我叫野食，員工問我幾多位，我話一位。佢話一位坐第二張枱，坐埋一邊啦，啲梳化位留俾一陣午餐時間用架！！！我就即刻調左位，其實態度可唔可以好小小？加返句唔該，唔好意思有幾難？到我食完，仲大把吉枱啦。

成日經過都見到呢間越南粉餐廳好多人排隊，今日好彩早咗有位，就去試吓啦。一睇Menu估唔到啲價錢咁平，唔怪得咁多人啦。除咗越南粉之外，見到好多人喺度打緊邊爐，嘢食嘅種類好多。而且位置坐得好舒服，平時食完腩粉好多餐廳都比較迫或者熱，呢度環境真係好好。我就叫咗個生牛肉湯河，一上枱已經見到嚿牛肉好靚，食落入口即溶，食得出係新鮮嘅牛。而且牛味好重，襯埋個湯底真係一流。另外我哋仲叫咗個炸雞翼，雞翼炸得外脆內嫩，而且夠晒大隻，價錢仲好平添。我覺得呢個滴漏咖啡好特別，好似好少香港見到，好有真係去咗越南嘅感覺。呢間餐廳又平又抵食，而且服務態度都係好，唔怪得咁多人啦。

同媽子行完街撐枱腳，佢話好想食炸雞翼，就揀左越北。👉🏻法式蒜蓉牛油雞翼呢個就係令媽子念念不忘嘅牛油蒜蓉雞翼。一客四件，件件都好巨型丫。牛油蒜蓉鋪滿係炸雞翼表面，十分邪惡，充滿牛油香味。即叫即炸脆卜卜真係好好食。👉🏻越南咖啡豬軟骨飯見個名咁特別叫黎試下～好似唔覺有咖啡味，有啲似鎮江骨嘅調味，酸酸甜甜幾開胃。豬軟骨炆得好稔身。👉🏻越式烤豬頸肉飯豬頸肉烤得好靚仔，份量都幾多，配菜有一嚿類似蒸蛋，入面有啲蔬菜咬落爽脆有口感。呢餐食得好滿意。

好友約我去位於荃灣眾安街68號千色匯1期1樓1023號舖的越北牛肉粉食下午茶餐，環境舒適，坐得舒服。我點左個 順化香茅豬扒配米飯 $58，餐飲係熱越南老薑蜜（跟餐）；好友點左個 越南咖啡豬軟骨配米飯 $65，餐飲係熱越南老薑蜜（跟餐）。另外追加峴港炸蝦餅（細）$28，越式沙嗲雞絲扎肉湯檬粉 $60。順化香茅豬扒配米飯份量不少，豬扒外脆內嫩好香口；越南咖啡豬軟骨配米飯好有特色，咖啡豬軟骨味道近似糖醋（無咁甜），幾好味喎；峴港炸蝦餅好香口好味；雞絲扎肉湯檬粉好食，越南老薑蜜潤喉好飲。

同朋友去荃灣千色店行街，順便食埋晚餐，就搵咗間越南粉食，估唔到都幾唔錯👍🏻順化湯檬 （牛展，扎蹄，扎肉，牛肉丸）味道辣辣地，配埋檬粉食好惹味，入面配料都好多，扎肉口感爽彈，啖啖肉香，好好食，牛展都好有驚喜，幾厚身，肉感滿滿，整體都好豐富越北火車頭 （生牛肉，牛展，牛肉丸）湯頭偏清甜，鍾意食牛嘅就可以叫呢款，牛肉都好軟腍，幾有牛香，牛肉丸都係一咬爆汁咁，幾好食🤤馬拉盞通菜 通菜炒得好惹味，份量都幾多下

今日做野做到成點半先返到荃灣，見差不多下午茶，我就返屋企放低啲嘢再岀黎食…小插曲😆話說我睇menu嘅時候，講咗句：黎食越南嘢，叫法式牛肉飯會唔會搞笑？然後條佬話：你唔知以前越南係法國殖民地黎架咩？緊係關事啦nani?食物法式牛柳粒紅飯先講個番茄🍅飯真係好好食！好香茄味，但唔會濕～佢個飯好乾爽！牛肉煎得岩岩好，有肉味，仲可以咬到牛肉汁用錯mode🙄搞到個飯out fo🫨明明個飯好靚！沙嗲雞絲扎肉湯粉今次想食檬粉，因為好掛住佢嘅爽口😌加上佢同沙嗲好夾～～抵食之選！芒果沙冰、椰汁冰為咗環保，唔用紙飲管～今次記得拎啦🤪不過我得一支珍珠奶茶飲筒同一支普通飲筒😂店員都好好奇，因為芒果沙冰有粒粒水晶，佢哋覺得會飲唔到，頂住左…不過因為我嘅飲筒都有麥當勞個枝個窿咁大，飲啲水晶都冇問題😆🫶🏻仲好夠凍！豬頸肉豬頸肉肉真係必食🔥呢度嘅豬頸肉超juicy 雞翼

幾時都啱食嘅越南粉，行過荃灣千色匯見到越北，一排無食又想食就去試下。香茅豬扒湯檬 $65每次嚟到一定必點，必試推介，豬扒炸得好香脆又完全唔鞋，每一嚿都肥瘦適中，可以揀配飯或者湯河都一樣咁好味。越北火車頭湯檬$78一碗有齊生牛肉牛展牛丸，選擇困難症嘅人必選。 牛展係老過嘅已經老得好入味，而牛丸亦都好有牛香味， 加上生牛肉用熱湯燙過，啱啱熟好嫩滑。芒果糯米飯$48揀咗個甜品芒果糯米飯, 芒果新鮮同甜甜酸酸，可以 解膩， 糯米飯好紮實加上椰奶， 又香又軟糯， 為晚餐或上完美句號

放工喺荃灣附近搵嘢食，試咗千色店呢間越北餐廳，餐廳去食越南嘢，餐牌好多選擇，有一人、二人同四人套餐，全部都好吸引河內烤豬肉撈檬呢款撈檬好有驚喜，個豬肉好香，個汁嘅醬料都好特別，放咗好多秘製香料，將啲汁放落啲檬粉上面一齊食，好夾好好味，檬粉嘅質地都好好，軟硬度適中，如果豬肉嘅數量再多，就更加好每個餐都可以加少少錢，再加小食，我試咗蝦膏通菜，份量一啲都唔細，個通菜炒得好有鑊氣，蝦膏味一流，每個套餐仲可以有特飲，我加錢試咗杯紅棗茶，好足料，好好味，有機會下次過嚟試吓其他套餐

今次黎到荃灣千色匯食下午茶，搭正兩點多人排隊，可以攞咗飛再用qr code睇排隊號碼，好方便，下午茶餐都好多嘢食，有麵，有檬，有飯，仲可以嗌越南包，抵食越北生牛肉湯粉生牛肉好軟熟，份量都好多，湯底好鮮亦夠滾，可以淥熟啲牛肉，湯裏面仲有一嚿大大嘅 白蘿蔔，碗麵都幾大碗，好夠飽越北火車頭 火車頭包括有生牛肉，牛展和牛肉丸，生牛肉都係一樣咁軟熟，牛展有少少根，煙煙靭靭有口感，湯底都好濃鬱重牛味，河粉好滑順化香茅雞翼獨特香茅香料雞翼好香，炸得香脆招牌傳統法包法包餐有好多餡料，裏面有鸭肝醬，扎肉，扎蒂，酸菜絲，芫茜，辣椒粒，全部都好豐富，辣椒粒唔係全部位置都有，所以大部分都係唔辣嘅，新鮮整出嚟，熱辣辣 ，法包好香脆越南老薑蜜 & 椰汁冰老薑蜜好薑味再加埋蜜糖好潤嚨椰汁冰好香椰香又夠冰凍，正

一年多前，給本人感覺是一間沒有服務，趕客走的越南餐廳，今天一個人晚上來光顧令我對荃灣千色滙另眼相看。事原我叫了一個朱扒撈檬，都明白假期人多左好耐，大約等左20分鐘左右，肚真係頂唔住，找了一位白西裝經理去問，結果他好似知我追野食，好客氣同我講：係你搵我之前，我已經幫小姐你入廚房跟進左你想要既朱扒撈檬，而且應該差不多時間出到俾小姐享用。嘩，真貼心，仲有預知能力，結果2至3分鐘左右真係上到個撈檬，埋單時仲好有禮貌同我講：唔好意思，今日假期比較忙，所以要小姐等咁耐，下次一定唔會發生咁既問題。跟住我就話：得，睇你名牌，叫Thomas，有你係度，我一定會經常再黎，你俾我感覺好細心，仲知我要D咩。之後我唔多講，一年多前我經歷過之後，今晚唔係肚餓想食野，真係唔會入黎，結果真心有驚喜，而且我見果位白衫經理都好忙，走圍走去開解客人，每個客走都同佢講：多謝曬，記得拎齊野，歡迎下次光臨！一間無加一既餐廳俾佢做到有服務，我服。希望keep住哩D服務態度，咁我地香港人都唔會北上消費咁多，留港幫襯你地越北牛肉粉。

第一次嚟食，見到咁多人排隊就嚟試吓，叫左個順化香茅牛肉撈檬原來係一舊舊又咸又乾嘅炸牛肉😣撈檬個味正正常常，食完確實感到失望😞，凍檸茶好飲，柸子不大不小還可以。

今日一家三口，去到荃灣食越南菜🇻🇳越北我哋之前都食過另外兩間分店😋每間水準都keep得唔錯嘅！牛肉粉一上枱出晒煙，香噴噴！個湯底唔錯，加埋調味好好食😉蝦多士味道唔錯，裏面好多芝士小朋友最愛～ 女女好鍾意食😋不過略嫌表面芝麻太多！牛油炸雞翼超出色，牛油味好香炸到啱啱好，有油，又唔會太乾身而且雞翼好肥厚！多肉 😋😋😋（之前食過另一間雞翼好薄身，會炸到好乾）蒜蓉包正正常常，香脆❗️沙律都幾大盤，有點辣🌶️

越北生牛肉牛肉丸湯檬生牛肉好新鮮 亦好嫩滑 浸喺熱湯到口感熟度啱啱好牛肉丸亦都好彈牙 真係好似食神咁要嚟打乒乓波都得湯汁亦都唔會太重口味順化香茅牛肉撈檬呢個稍為比較平平無奇香茅味唔重 牛肉正常唔會太硬撈檬唔會太粉 配上佢個醬汁 酸酸甜甜幾開胃越式烤豬頸肉烤得幾香口 唔會太乾柴保持到有小小肉汁仲有法式蒜蓉牛油雞翼 一上嚟見到厚厚嘅蒜蓉粒係好香蒜味 但略嫌牛油味唔太夠好在佢炸得夠脆 食落唔會好油膩椰汁紅豆冰 + 椰汁仙沙冰佢哋嘅冰係冰沙 飲同食紅豆嘅時候唔會俾啲冰阻住紅豆大粒亦唔會好甜而仙多冰即係出面珍多冰椰汁味好重 好飲不過其中一個職員就麻麻地啦明明你地係收十點？ 點解九點就係咁想趕人走咁🥹

我今日去荃灣探好友，她帶我去位於荃灣眾安街68號荃灣千色匯1樓1023號舖的越北牛肉粉食下午茶，環境舒適，坐得舒服。我點左個 順化香茅牛肉配米飯 $62，餐飲係熱越南鹹桔水（跟餐）；好友點左個 會安雞絲扎肉撈檬 $55，追加小食係 峴港炸蝦餅（細）$28，餐飲係熱越南老薑蜜（跟餐）。順化香茅牛肉煎得香脆可口，牛肉味濃又有咬囗，伴飯有件蒸蛋，蛋味濃郁；會安雞絲扎肉撈檬賣相不錯，雞絲嫩滑，扎肉好味；蝦餅炸得外脆內嫩，伴越南甜酸漿，好好味！兩款越南飲品好潤喉。