新記 (康麗花園)

Open Now

Now Closed

新記雞粥開到去屯門 分店水準keep到食開元朗新記，同另一半嚟巴倫紐睇戲，見到呢到都有間新記，開頭仲以為唔係同一間，但見到貴妃雞粥menu就認得啦，裝修好新好靚，同埋d姐姐服務都好好。由於我想食貴妃雞粥、魷魚酥同煎腸粉，我伴侶就想食小菜，佢就叫咗咕嚕肉同椒鹽豬扒，一間餐廳，不同風格都有得提供，真係有驚喜！分店嚟講，佢嘅貴妃雞粥、魷魚酥同煎腸粉味道係一模一樣，雞肉一樣好入味同嫩滑，粥煲得好綿好滑，水準keep到，魷魚酥大大碟，外脆而不過火，煎腸粉香口耐上麻醬，無得頂！咕嚕肉同豬扒一上枱，嘩左聲，呢個價錢嚟講，居然有咁大碟！而且味道夠，有火侯，無得輸啦，叫埋兩杯凍奶茶同凍檸茶，一絕！唔好以為開分店就會唔同味，老闆係好野，睇得出係好用心經營，抵佢分店愈開愈多，作為元朗老顧客都無失望。