九井壽司 (Closed)

今日嚟九龍灣MegaBox食壽司、呢間壽司店好有特色，會用列車輸送帶運送食物，仲有特色兒童餐，所以見到好多家長帶小朋友嚟食。餐牌款式都幾多，有壽司，刺身，丼飯，卷墨，炸物，燒物，烏冬及拉麵。極上。金の刺身丼材料豐富，包含三文魚、油甘魚、大甜蝦、帶子、海膽、三文魚籽，加左金箔後，賣相幾吸引。三文魚新鮮，厚薄適中，入口鮮味；油甘魚甘甜鮮味，口感爽口；大甜蝦大隻甘甜，肉質結實，蝦頭有好多蝦膏；帶子鮮甜，中等size；海膽新鮮creamy, 不過份量比較少；三文魚籽晶瑩剔透，咬落卜卜脆，咬開粒粒爆開，鹹香鮮味滲出；壽司飯醋嘅酸味同甜味平衡幾好，米飯軟熟，粒粒分明；原價三百幾都幾貴，依家半價就抵食d。塩燒鯖魚🐟外皮燒的香脆，肉質結實，加左檸檬汁酸酸地好開胃，配上香蔥醬油都幾惹味，$40半條性價比都唔錯。